![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Presidenti amerikan Donald Trump ka nënshkruar sot protokollin e anëtarësimit të Malit të zi në NATO. GSH.al shkruan se Podgorica synon anëtarësimin e plotë në muajin maj dhe se priten vetëm “firmat” e Hollandës dhe Spanjës për ta finalizuar krejt procesin.
Miratimi i Trump pason votën e Senatit amerikan i cili me një maxhorancë absolute 97 pro dhe 2 kundër, e miratoi këtë protokoll.
Lajmi i mirë është se administrata amerikane e konfirmon interesin për Ballkanin.
Anëtarësimi i Malit të Zi në NATO vlerësohet të jetë me rëndësi gjeostrategjike për Aleancën. Shqipëria dhe Kroacia u ftuan për t’u bërë anëtare të NATO-s në samitin e Bukureshtit në vitin 2008 dhe u bënë anëtare një vit më vonë, me 1 prill, një ditë para samitit që u zhvillua në Strasbourg dhe Kehl. Në këto samite këto dy vende për herë të parë morën pjesë si anëtare të plotfuqishme të NATO-s.
Maqedonia po ashtu që nga viti 2008 i kishte përmbushur kushtet për t’u bërë anëtare e NATO-s, por për shkak të kundërshtimit të Greqisë, nuk mori ftesën për anëtarësim. NATO-ja vazhdon të pohojë se dyert për Maqedoninë mbeten të hapura dhe ajo do të ftohet në NATO sapo të zgjidhet çështja e emrit. Rusia është shprehur kundër anëtarësimit të Malit të Zi në NATO.
GSH.al